Aaj bahut thaka daalne wala din raha. Office ke kaam se kuch interiors (gaon) main jana pad gaya. 1-2 min ke halt ko yadi chod diya jaaye to continuous 2:30 ghante apni phatphatiya chalata raha. Aur garmi ka para 43 tha to samajh lo bhaiya hogaye totaly exhausted... Din bhar ek thakaan si chaaee rahi... 12:30 par lauta uske baad lunch leke so gaya... Bole to 2 ghante ka ek strong nap liya uske baad office gaya. Office se free hone ke baad 6 baje apni rehearsal main gaya. Aaj wahan ek naye natak - 'Reunion' ki reading hui... Achcha natak hai, use play karne main maza aayega. Waise meri ek bahut aadat ye hai ki main jis bhi natak se judta hun, use kharab kabhi nahi kehta hun... Pata nahi kyun. Saath-saath ek aur natak i bhi reading chal rahi hai - 'Teesvi Shatabdi'. Both of the above plays are of military background. are han, main to bhool hi gaya tha, abhi jo natak karke phursat hue hain - 'Zinda Rehne Ke Liye' uska 4th show karne par charcha bhi hui. Wakaee main, mere liye ye 6 to 8 ka jo samay hai, Wo mujhe 'Bahut Kuch' nahi dekar bhi mujhe is 'Bahut Kuch' se kahin kahin kahin zyaada de raha hai... Ab kal milenge... Jai Theatre