Day 2, Home, Jabalpur (M.P.)

Hello Amigos...
Kaisa raha raha aaj ka din aap logon ka. Apna to sab theek thak raha. Kuch zyada change nahi. Zindagi wahi purane dharre par chalti rahi lekin apan ne kab zindagi ka kaha mana jo aaj maan lete... Mere 'Bhootpoorv' guru ne kaha tha -

"Apni taqat pehchano,
Toofaano se aankh milao,
Majhdhaaron par war karo,
Mallahon ka chakkar chodo,
Tair ke dariya paar karo"

to bas bahiyo, apan hamesha aapko dhara ke viruddh hi tairte nazar aayenge kyonki asal jeet to wahi hoti hai, dhara ke saath to koi bhi beh jata jata hai. Aaj ek achchi khabar ye rahi ki humne jo natak 3 aur 4 April ko kiya tha uska repeat show 30 May 2010 ko dobara ho raha hai. Its good. Dada ne humse aur hamare co-artist se kaha tha ki agar tum logon ne in roles ko achche se, 100% percent kar liya to Jabalpur main samajh lo ki tum log ACTOR ke roop main sthapit ho gaye. Ab, co-artist ka to pata nahi aur main ye bhi nahi jaanta ki main Dada ki expectations pe khara utra ki nahi lekin hume jo role diya gaya tha ya yun kahen ki jo role humko mila tha, use humne poori imaandaari ke saath nibhaya tha. Kuch logo ne natak ho jane ke baad backstage aakar kaha ki aisa aur waisa, blah blah blah... etc. etc. lekin Dada ne mujhse kaha ki Dont bother about them... Ek Actor, ek din mai tayeeyar nahi hota. Theek waise hi jaise koyle ko heera banne main samay lagta hai... But as an actor, I am satisfied with what I have done... Aur to aur, Dada aur humne milkar music tayeeyar kiya tha use bhi bahut tareef mili lekin bolne wale bhi kahan chupt baithte hain... Unhen us par bhi problame tha, kehne lage ki music achcha to tha lekin filmi tha. Filmi tha! my foot. Kher, jab tak critics na hon to pata bhi nahi chalta ki natak achcha hua hai... Kyun, sahi hai na. Aaj office main paani bharne ka din tha isliye thoda late pahuncha rehearsal main, 'The Proposal' ki reading chal rahi thi. Anton Chekhov ka natak hai, comedy. Kal se 'Zinda Rehne Ke Liye' ki rehearsal shuru. Abhi to uska ticket bhi design karna hai. 3 aur 4 se jab se free hue hain tab se bahut saare ruke hue kaam bhi poore kar raha hun. Sandeep Bhaiya to 5-6 mahine ke liye bahar hain to 'Theatre Group' ka bhi thoda bacha hua kaam hamare sar par hai. Ab jab tak Sandeep Bhaijaan nahi aa jate tab tak 'Theatre Group' main filhal to koi production nahi hoga.

Main ye samajhta hun ki aaj ki date main insaan ko safal hone ke liye Junoon, Aatmvishwas, Lagan, Dheeraj, Doordrishti ki zaroorat hai.

Ab kuch lines 'USKE' liye, jo meri bahut si baaton ki prerna hai, naam nahi bata sakta lekin ab se main yahan uske liye jo kuch bhi likhunga usse hi aap log andaza laga lena :

Intzaar hamesha
Ubaaoo nahi hota.
Ye mujhe tab
samajh aaya,
jab tumhen gaye hue
mahino
beet chuke the.
Intzaar...
isne zinda rakha hai
Tumhen
har pal
Mere kareeb
Han, ye sach hai
intzaar
kabhi kabhi
zariya ban jata hai
jeene ke liye.
Intzaar hamesha
Ubaaoo nahi hota...

Achcha to hum chalte hain...

Hum Hain Raahi Pyaar Ke... Phir Milenge... Chalte Chalte...

Jai Jawan... Jai Kisaan... Jai Vigyaan... Jai Theatre...