Day 5, Home, Jabalpur (M.P.)

Offho yaar... Kitni garmi hai yaar...

Aaj ki shuruaat Maa ke pyaar bhare sparsh se hui. Unhone kaha ki paune 6 baj gaye hain uth jao aur dodne chale jao. Phir main utha. Mu-haat dhokar stadium gaya. To wahan apne ek bahut achche parichit mil gaye jinse hum apne photocopy realted kaam karwate hain. Aaj main 4 round dauda 400 mts ke. Phir kareeb 4 round simple brisk walking ke baad, thoda sustaae, thoda Pranayaam kiya, ghar aakar TRATAK kiya, JAL NETI ki Phir naha-dho ke office. Aaj kewal ek baat ke karan main dukhi tha aur wo ye ki mujhe bahut tagda phatka lag gaya, uski bharpaaee main 15 saal lagenge mujhe... Achche bhale mood ki watt lag gayee. Kher Chodo...
Apni asli kahani to shuru hoti hai shaam 6 ke baad. Aaj rehearsal main kewal 6 log the jo baad main 5 ho gaye the. Humne 'Reunion' ki reading shuru ki. Us natak ke end main ek badi achchi line likhi thi ki - "Insaan ko unhi patton (Playing Cards) se khelna padta hai jo uske hisse main aate hain." Sach bhi hai :

"Haalaat ke hathon hum aise khilone hain,
Jo toot bhi jaayen to awaaz nahi karte..."

Upar jo line green color main likhi hai, main bhi use manta hun. Lekin bura tab lagta hai jab unhi patton se main jeetne wala hota hun to log cheating se doosre ikke nikal lete hain aur mujhe harane ki koshish karte hain. Kisi ne sach hi kaha hai - Zindagi hai ek jua... Aajse TG ka thoda kaam shuru kiya jo Sandy Bhai adhura chod gaye hain. Dekho, kab tak poora hota hai. School main bhi rang karwana hai yaar. Bahut sa kaam hai hamare sar paraur kisi ko daya bhi nahi aati. Kher :

"Shukriya e kabr tak pahunchane wale shukriya,
Ab akele hi chale jayenge is manzil se hum..."

Aaj facebook pe apni ek dost ke honeymoon ke photos dekhe. Halanki, usse meri zyada baatcheet to nahi thi lekin wo ek dost zaroor thi. Bahut khoobsoorat lag rahi thi wo. Achcha laga dono ko dekh kar. Bahut khush the dono. My god bless them and there after life. If they had Love merrige then :

"Wo log na jaane kya honge,
Jinhone mohabaat ki aur safal hue..."

aur us dost ke liye jo wakee main bahut khoobsoorat lag rahi thi :

"Sau chand bhi chamkenge to kya baat hogi,
Tum aaye ho to chand ki aukat kya hogi..."

Aaj kuch aur khaas nahi hua... Lekin aaj bhi ek cheez zaroor hui jo pichle 4-5 saalon se roz ho rahi hai, sher padhiye samajh jayenge :

"Kabhi humne tumhen yaad kiya,
Kabhi tum khud mujhe yaad aa gaye..."

aur

"Tum mujhe bhool jao to ye haq hai tumko,
Meri baat aur hai, maine to mohabbat ki hai..."

Thought for tomorrow (24/04/2010) :

"Isse pehle ki zindagi tumhen kha jaye, tum use pee jao... Cheers!"

Jai Theatre